Type your summary here.

Type the rest of your post here.

ဒါပေမယ်-----------

ဒိနေ့ သီတင်းကျွတ် လပြည့်နေလေ၊ ၀ါတွင်းသုံးလပတ်လုံး နတ်ပြည်မှာ မယ်တော်မိနတ်သားကို အဘိဓမ္မာတရား ဟောကြားပြီး လူ့ပြည်ကို မြတ်စွာဘုရား ပြန်လည်း ဆင်းသက်တော်မူလာခဲ့တဲ့နေ့ပါ၊ မြန်မာပြည်မှာဆိုရင် ဒီနေ့ ဒီအချိန်ဆို အတော်စည်ကားနေကြမယ်၊ ဘုရားသွား၊ မိဘတွေကို လတ်ဆောင်ပစ္စည်းများဖြင့် ကန်တော့၊ မီးပုံးပျံလွှတ်တင်ကြ၊ ဆီမီးတွေ ထွန်းညှိကြတယ်လေ၊ အရမ်းကို ကြည်နှုးစရာ အကောင်းဆုံးအချိန်တွေပါ၊ အပျော်ဆုံးအချိန်ဆိုတာ ကိုယ်တိုင် ပါဝင်ဆင်နွှဲမှ မဟုတ်ပါဘူး၊ သူများပျော်နေတာ ဆင်နွှဲနေကြတာကို မြင်ရင်ပဲ ကြည်နှုးလို့ ရနိုင်တဲ့အရာပါ၊ မုဒိတာရဲ့သဘောလေ။ ကိုယ်တိုင်လဲ ပါဝင်ဆင်နွှဲချင်တာပေါ့နော်၊ ဒါပေမယ့် ဒါပေမယ့်-------

ကျွန်တော် သီဟိုဠ်လို့ ခေါ်တဲ့ သီရိလင်္ကာ နိုင်ငံရောက်ခဲ့တာ သိပ်မကြာသေးပါဘူး၊ ယနေ့ ၀ါကျွတ်ပြီလေ၊ အမေ့ကို ကန်တော့ချင်လိုက်တာ၊ ဒါပေမယ့်------ ဆရာသမားတွေကို ပစ္စည်းလတ်ဆောင်လေးတွေနဲ့ ပူဇော်ချင်လိုက်တာ။ ဒါပေမယ်---- သူငယ်ချင်းတွေနဲ့ ဘုရားသွားပြီး လျှောက်လည်ချင်လိုက်တာ။ ဒါပေမယ့်-- မီးပုံးပျံတွေ ပွဲလန်းသဘင်တွေ အို-----စုံလို့ပါပဲ။ ဒါပေမယ့်တွေ များလာတော့မှာ၊ ကျွန်တော့်လိုပဲ နိုင်ငံရပ်ခြား တိုင်းတပါးမှာ မိဝေး ဖဝေး စီပွါးရှာနေကြတဲ့သူတွေ မနည်းပါဘူး၊ နှစ်တွေလည်း ဘယ်လောက် ကြာညောင်းနေကြမလဲ၊ ကျွန်တော့်ထက် ကြာမြင့်စွာ ခွဲခွါ နေထိုင်ကြတဲ့ ညီအစ်ကို မောင်နှမတွေ ဘယ်လောက်များနေကြမလဲ၊ အလွမ်းကိုယ်စီ ဘယ်လောက်ရှိနေကြမလဲ၊ ကိုယ်ချင်းစာကြည့်ပါတယ်ဗျာ။ အစ်ကိုတို့ အစ်မတို့အစား ကျွန်တော် လွမ်းကြည့်ပါတယ်၊ အတော့်ကို လွမ်းဖို့ကောင်းလိုက်တာနော်၊ မျက်ရည်တောင် ၀ဲလာမိတယ်၊
အဲ--အကြံတစ်ခု ရလိုက်တယ်၊ ချက်ခြင်းပဲ ဖယောင်းတိုင် သွားဝယ်လိုက်တယ်။ သူငယ်ချင်းတစ်ယောက်က မေးတယ်၊ ဘာလုပ်ဖို့လဲတဲ့၊ အလွမ်းဖြေမလို့ပါလို့၊-- ဘယ်လို ဘယ်လို၊ ကျွန်တော်လည်း စိတ်ရှည်လတ်ရှည် ပြန်လည် ဖြေကြားလိုက်ပါတယ်- စောင့်ကြည်ပေါ့---လို့။ သူငယ်ချင်းတွေ အားလုံး စုပေါင်းပြီး ကာယကံ ၀စီကံ မနောကံနဲ့ ပြောဆိုပြစ်မှားမိတာတွေ ခွင့်လွှတ်ပေးဖို့ အချင်းချင်း တောင်းပန်လိုက်ကြတယ်၊ နောက် မီးထွန်းပြီး မြန်မာ့ အလွမ်းပြေ ပူဇော်ကြမယ်လို့ စည်းရုံးလိုက်တယ်၊ အပေါင်းအသင်းတွေကလည်း အားတက်သရောပေါ့၊ မင်းဝယ်လိုက်ပါ၊ ငါတို့ လုပ်အားကူညီမယ်တဲ့၊( အတော်ကပ်စေးနှဲလိုက်တာ) စိတ်ထဲက ပြောလိုက်တာပါ၊ ဒီလိုနဲ့ ကျွန်တော်တို့ ဖယောင်းတိုင်လေးတွေ ဗောဓိပင်အောင် လိုက်ပြီး ကိုယ်စီ စိုက်လိုက်ကြတယ်၊ ဖယောင်းတိုင် စိုက်ရင်း စိတ်ကူးနဲ့ ကြည်နှုးနေကြမယ် ဆိုတာ တွေးကြည့် သိနိုင်တယ်လေ၊ ဒီနေ့ ဒီအချိန်-------ဆိုပြိးပေါ့၊ အားလုံး ဖယောင်းတိုင်များစိုက်ပြီးတော့ မီးထွန်းညှိဖို့ အချက်ပေးလိုက်တယ်ဆိုရင်ပဲ--ဂျိန်း--ဂျိန်း-----ဂျိန်း---။ ဟာ သွားပြီ---- ကိုရွှေမိုးရယ် ဘယ်အညှိုးနဲ့ ဒီလောက် ရက်စက်တာလဲကွယ်လို့ မော့ကြည့်ပြီး ပြောလိုက်ကာမှ ပိုလို့တောင် သဲလိုက်သေး၊ အော် အေးချမ်းတဲ့ အဓိပ္ပါယ်ကို ဆောင်တာပါလို့ အကောင်းဘက်က မြင်လိုက်ပါတယ်၊ ကျွန်တော်တို့ရဲ့ မီးထွန်းပွဲ အလွမ်းပြေလေး ငါးမိနစ်အတွင်းမှာပဲ ရေထဲ မျောသွားပါတယ်။ ရည်ရွယ်ချက်ကိုယ်စီ အတွေးကိုယ်စီ ကိုယ်စီ ကိုယ်စီ ပျက်ပြယ်ခဲ့ပြီပေါ့ဗျာ၊
ကျွန်တော် မပြောချင်တဲ့ စကား ဒါပေမယ့်--ဆိုတဲ့ စကားနဲ့ပဲ ကျွန်တော့်ရဲ့ မီးထွန်းပွဲ အလွမ်းပြေ အဆုံးသတ်ရတော့မှာပေါ့၊ အစတော့ ကျွန်တော်က ရွှေမြန်မာများကို မီးထွန်းပွဲ အလွမ်းပြေ အတွေ့အကြုံလေး ဗောဓိပင်အောက်မှာ ကျင်းပရင်း ကိုယ့်လိုပဲ အလွမ်းပြေရအောင် တင်ပြချင်တာပါဗျာ၊ ဒါပေမယ့်--- ဒါပေမယ့်-- ဒါပေမယ့်နဲ့ပဲ ကျေနပ်လိုက်ကြပါတော့လို့ ကျွန်တော် ဒီနေရာက တောင်းပန်လိုက်ပါတော့မယ်၊ ဒါပေမယ့် ---- ကိုရွှေမိုးရယ်-------------------------------------
အခုတော့ ကိုရွှေမိုးက သူမဟုတ်သလိုပါပဲ၊ မြူတိမ်ကင်းစင် ၀င်းပလမင်း ပေါ်ထွက်လာခြင်းနဲ့အတူ ကျွန်တော်တို့ရဲ့ မီးထွန်းပွဲ ပျက်လို့ လွမ်းနေကြတဲ့ ကျောင်းသားလေးတွေကို သူကလည်း မျက်ရည်တွဲလဲနဲ့ ကြိုဆိုသည့်အလားပေါ့၊ ပေါ်ထွက်လာပါတယ်၊ မီးများကို ထွန်းညှိုပူဇော်ကြပါတယ်၊ အမှတ်တရ ဓာတ်ပုံများလည်း ရိုက်ကြပါတယ်၊ စာဖတ်နေတဲ့ သူလည်း ပါဝင် ဆင်နွဲချင်တယ်ဆိုရင် အခုပဲ အရောက်လှမ်းခဲ့ပါနော်၊ နွေးထွေးတဲ့ နှလုံးသားနဲ့ အမြဲ ကြိုဆိုနေပါတယ်ဗျာ။
လင်္ကာဒီပကျောင်းသား

သီတင်းကျွတ်လပြည့်(အဘိဓမ္မာအခါတော်နေ့)

သီတင်းကျွတ်လသည် မြန်မာတို့ ၏ (၁၂) လရာသီတွင် သတ္တမမြောက်လဖြစ်ပြီး ၀ါတွင်းကာလ၏ နောက်ဆုံးလဖြစ်ပါသည် ။ ရာသီခွင်မှာ တူရာသီ ဖြစ်ပြီး အဿဝတီ ကြယ်နှင့် လမင်းတို့ စန်းယှဉ်ကာ မွန်းတည့်ကြသည် ။ရာသီပန်းမှာ ကြာဖြူပန်း ( Nymphaea Lotus ) ဖြစ်ပါသည် ။
သီတင်းကျွတ်လကို ရှေးမြန်မာကျောက်စာများ၌ `သန္တူလ´ ဟုရေးထိုးကြသည် ကိုတွေ့ရပါသည်။ ချိန်ခွင်ပုံ ကြယ်တာရာ နက္ခတ်တို့  စုဝေးသော မိုးကာလဟု လည်းကောင်း ၊ တောင်သူလယ်သမားတို့ စိုက်ပျိုးထားသောစပါးပင်များ သန်စွမ်းစွာထောင်မတ်သောလဟု လည်းကောင်း ပညာရှိများ ဖွင့်ဆိုကြပါသည်။

မန်မာတို့ သည့် စိတ်ရင်းရိုးသား တည်ကြည်ကြသူများ ဖြစ်သည်နှင့်အညီ စစ်မှန်သော ထေရ၀ါဒ ဗုဒ္ဓသာသနာတော်ကို ပုဂံခေတ် အနော်ရထာမင်းတရား နှင့်ရှင်အရဟံ မထေရ်မြတ်တို့၏ ကျေးဇူးတရားကြောင့် ဆည်းကပ်ကိုးကွယ်ခွင့် ရကြပြန်သောအခါ ဗုဒ္ဓမြတ်စွာ၏ အဆုံးအမ တရားတော်များနှင့် လိုက်လျောညီထွေစွာ အေးချမ်းပျော်ရွှင်ဖွယ် ကောင်းသော လူနေမှုဘ၀များဖြင့် လောကဓံတရားများကို ရင်ဆိုင်ကျော်လွှားနိုင်သော ၊ ရောင့်ရဲတင်းတိမ်တတ်သော စိတ်နှလုံးကိုခေတ်အဆက်ဆက် ပိုင်ဆိုင်ခဲ့ကြသူများ ဖြစ်ကြပါသည် ။ ဤစိတ်ဓာတ်များ အရင်းခံဖြင့် (၁၂) လရာသီရှိသည့်အနက် အခါကြီး၊ ရက်ကြီးနေ့များတွင် ရတနာသုံးပါးအား ရည်စူး၍ ကောင်းမှုကုသိုလ်များ ပြုလုပ်လေ့ရှိကြပါသည် ။

သီတင်းကျွတ် မီးထွန်းပွဲတော်သည် မြန်မာတို့၏ (၁၂) လရာသီ ပွဲတော်များတွင် ထင်ရှားသောပွဲတော် တစ်ခုဖြစ်ပြီး ပွဲတော်စတင်ကျင်းပခဲ့သည့် အစဉ်အလာမှာ ဘုရားရှင် သက်တော်ထင်ရှား ရှိခဲ့စဉ်အခါကပင် ဖြစ်ပါသည် ။ ဗုဒ္ဓမြတ်စွာဘုရားရှင်သည် သတ္တမမြောက်ဝါကို တာဝတိံသာ နတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသော
သန္တုဿီတနတ်သားအားအမှုးပြု၍ စကြ၀ဠာနေရာ အနှံ့ မှ နတ်ဗြဟ္မာ အပေါင်းတို့ အား အဘိဓမ္မာတရားတော်မြတ်ကို ဟောကြားတော်မူသည် ။သီတင်းကျွတ်လပြည့်နေ့  ရောက်သောအခါ ဘုရားရှင်သည် နတ်ဗြဟ္မာ အပေါင်းခြံရံကာ ရွှေစောင်းတန်း ၊ ငွေစောင်းတန်း ၊ပတ္တမြားစောင်းတန်းများဖြင့် စီခြယ်အပ်သော ရတနာစောင်းတန်းဖြင့် လူ့ ပြည်ဖြစ်သော သင်္ကဿနဂိုရ်ပြည်သို့ ပြန်လည်ဆင်းသက်ကြွမြန်းတော်မူသည် ။ ထိုအခါ သမယတွင် ပြည်သူပြည်သားအပေါင်းတို့က မီးရှူးမီးတိုင်များ ၊မီးပန်းများ၊ ဆီမီးများ ပန်း၊ ရေချမ်းများဖြင့် ကပ်လှူပူဇော်ကြသည် ။ တာဝတိံသာနတ်ပြည်ရှိ စူဠာမဏိစေတီတော် ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့ လွှတ်တင် ပူဇော်ကြသည် ။ထိုကဲ့သို့ ပူဇော်ကြသည်ကို အကြောင်းပြုကာ ယနေ့ ခေတ်အခါတိုင်အောင် မြန်မာတစ်နိုင်ငံလုံး၌ နှစ်စဉ်ကျင်းပ ပြုလုပ်မြဲ ဖြစ်သည် ။
သီတင်းကျွတ် လပြည့်နေ့တွင် ပုရိမ၀ါမှ ထမြောက်ကြသော သံဃာတော်အရှင်မြတ်များ သည် မိမိတို့အချင်းချင်း အပြစ်ကြီးငယ်ရှိပါက သည်းခံခွင့်လွတ်ရန်၊ လမ်းမှန်ကိုညွန်ပြရန်၊ သွန်သင်ဆုံးမရန် တောင်းပန်ကြပြီး ပ၀ါရဏာပြုကြပါသည်။ ထို့ကြောင်း သီတင်းကျွတ် လပြည့်နေ့ကို ပ၀ါရဏာနေ့ဟုလည်း ခေါ်ကြပါသည်။
ထို့အတူ မြတ်ဗုဒ္ဓ၏ အဆုံးအမ၌ တည်ကြသော မြန်မာလူမျိုးတို့သည်လည်း မိမိထက်အသက် ဂုဏ်ဝါကြီးသူ၊မြင့်မြတ်သူ၊ ရိုသေလေးစားထိုက်သူတို့အပေါ် အပြစ်ကြီးငယ်များရှိပါက သည်းခံခွင့်လွတ်ကြရန် ငယ်သူ ၊ နိမ့်ကျသူတို့က ပူဇော်ကန်တော့လေ့ ရှိကြသည်။ ထို့ပြင် ဤထူးမြတ်သော ၀ါကျွတ်သော အချိန် အခါသမယတွင် မိမိတို့တတ်နိုင်သမျှ ပူဇော် သက္ကာရတို့ ဖြင့် သက်ကြီးဝါကြီးများ ၊ မိဘဆရာများကို ပူဇော်ကန်တော့လေ့ရှိကြ၏ ။ထို့ကြောင့် ၀ါကျွတ်ကာလသည် မြန်မာတို၏ တစ်ဦးကို တစ်ဦး ရိုသေလေးစားတတ်သော သဘော ၊မာန်မာနကို နှိမ့်ချတတ်သော သဘော၊ အပြန်အလှန် မေတ္တာစေတနာ ထားတတ်သောသဘော စသည်ဖြင့် အမျိုးကောင်း သားသမီးတို့၏ ယဉ်ကျေးသိမ်မွေ့သော စိတ်နေစရိုက် ကိုဖော်ကျူး ပြသနေသော အမျိုးဂုဏ်ကို မြှင့်တင်ပေးနေသည့် အချိန်အခါ ဖြစ်ပါသည်၊၊
သို့ဖြစ်ရာ မြန်မာပြည်များအားလုံး `ကောင်းသောအကြံ ၊မှန်သောအကျင့် ၊ သင့်သောအယူ ၊ဖြူသောနှလုံး ၊ သူတော်ထုံး´ တို့ ဖြင့် သီတင်းကျွတ် မီးထွန်းပွဲတော်ကို ပျော်ရွှင်စွာ ပါဝင်ဆင်နွဲ နိုင်ကြပါစေ..ဟု ဆန္ဒပြုလိုက်ပါသည်။ ။
ဖော်ပြပါကဲ့သို့ သီတင်းကျွတ်ကာလ၏ ပျော်ရွှင် ချမ်းမြေ့.သာယာပုံကို ရှေးစာဆိုတစ်ဦး၏ ကဗျာတသ်ပုဒ်ဖြင့် နိဂုံးချုပ်လို့်က်ရပါသည်။



..ဆီမီးရယ်ထိန် ၊ အိုင်မင်းရေကြည်က .. ၊
...ကြာငါးမည် ငုံအာစွင့်တယ်.. ၊ ဖူးပွင့်ချိန်ခါ .. ။
...အဿဝဏီ ယှဉ်ကာချဉ်းပါလို့ .. ၊ လင်းလာတဲ့

ငွေတာရိန်ရယ်.. ၊
...ပြာမှိန်လျက် မြူချေဆိုင်း .. ။
...ဂါရဝေ ၊ သဒ္ဒါခြွေ ကန်တော့ပွဲကိုလ .. ၊
...မစဲပေါင် ကုသိုလ်နှိုးကြတယ် .. ၊ မျိုးမြန်မာတိုင်း။ ။

ရက်ရောခြင်းရဲ့ ရလဒ်

ဟိုးအရင် အင်္ဂလန် စာကြည့်တိုက် (British Library) အဟောင်းက မပြုပြင်တာကြာလို့ ဟောင်းနွမ်းနေတာကြောင့် နေရာသစ်မှာ အသစ်တစ်ခုဆောက်ခဲ့ကြတယ်။ စာကြည့်တိုက်အသစ် ဆောက်ပြီးတဲ့နောက် အဟောင်းဖက်ကနေ စာအုပ်တွေ ရွေ့ဖို့ စီစဉ်ကြပြန်တယ်။

ဒါဟာ သာမန်အရွေ့အပြောင်း အလုပ်တစ်ခုပါ။ ဘာစီစဉ်စရာမှ မလိုဘဲ ရွေ့ပြောင်းရေး ကုမ္ပဏီကို ဖုန်းဆက်ပြီး ကုမ္ပဏီက ကားလာရင် စာအုပ်ကို ကားပေါ်တင် ပြောင်းရွေ့ကြရုံပါပဲ။ ဒါပေမယ့် ပြောင်းရွေ့ရမယ့် ကုန်ကျစရိတ်က စတာလင်ပေါင် ၃၅သိန်း ကုန်ကျမယ်လို့ ဆိုပါတယ်။ စာကြည့်တိုက်မှာ လုံလောက်တဲ့ငွေ မရှိခဲ့ဘူး။ မကြာခင် မိုးရာသီက ရောက်လာတော့မယ်။ စာအုပ်တွေ မိုးစိုရင် ဆုံးရှုံးမှုက ဒီထက်များတော့မယ်။

ဘယ်လိုလုပ်ကြမလဲ? စာကြည့်တိုက်မှူးက ရှိသမျှ အကြံတွေ ထုတ်ခဲ့ပေမယ့် အရာမရောက်ခဲ့ဘူး။ အဲဒီအချိန်မှာ စာကြည့်တိုက် ဝန်ထမ်းတစ်ဦးက သူ့မှာအကြံရှိတယ်။ ဒါပေမယ့် စတာလင်ပေါင် ၁၅သိန်း လောက်လိုလိမ့်မယ်လို့ ဆိုတော့ စာတိုက်မှူးက ဒီအကုန်အကျကို စာကြည့်တိုက်က ပေးနိုင်တဲ့အတွက် ဝမ်းသာအားရ လက်ခံလိုက်တယ်။

“ ခင်ဗျားအကြံကို အမြန်ပြောပါ” စာတိုက်မှူးက အလျှင်စလိုမေးလိုက်တယ်။

“မပြောခင် ကျွန်တော် တစ်ခု တောင်းဆိုချင်ပါတယ်”

“ပြောပါ”

“တကယ်လို့ အဲဒီ ၁၅သိန်းမှာ မသုံးဖြစ်ပဲ ပိုလျှံတဲ့ငွေ ရှိခဲ့ရင် ကျွန်တော့်ကို ပေးနိုင်မလား”

“ ဒါလေးများ ... ၃၅သိန်းကုန်မယ် ဆိုတုန်းကတောင် ပိုက်ဆံမလုံလောက်လို့ မပြောင်းဖြစ်ခဲ့တာ။ ၁၅သိန်းထဲက ပိုတာရှိရင် မောင်ရင်ကို အကုန်ပေးမယ်”

“ဒီလိုဆိုရင် သဘောတူညီကြောင်း ကျွန်တော်တို့ လက်မှတ်ထိုးရအောင်”

နှစ်ဖက် သဘောတူလက်မှတ် ထိုးပြီးနောက် စာအုပ်တွေကို စပြောင်းရွေ့ကြတယ်။ ခန့်မှန်းထားတဲ့ ကုန်ကျစရိတ် ၁၅သိန်းကို တစ်ပဲတစ်ချပ်မှာ အသုံးမပြုဘဲ ပြောင်းရွေ့ခဲ့ကြတယ်။

အမှန်က သတင်းစာတွေမှာ “ ယနေ့မှစ၍ အင်္ဂလန်စာကြည့်တိုက်မှ စာအုပ်များကို အခမဲ့ အုပ်ရေ အကန့်အသတ်မရှိ ငှားရမ်းပေးနေပြီဖြစ်သည်။ စာအုပ်များကို စာကြည့်တိုက်ဟောင်းတွင် ငှားပြီး စာကြည့်တိုက်သစ်တွင် အပ်ရမည်ဖြစ်သည်” လို့ ကြော်ငြာလိုက်တာပါပဲ။

ရက်ရောမှုတစ်ခုအတွက် ရလဒ်က အများကြီးပါ။ ဒီနေ့ ကျွန်မတို့ ဘာရက်ရောခဲ့ပြီလဲ?

နိုင်းနိုင်းစနေ ဘာသာပြန်သည်။
http://share.youthwant.com.tw/sh.php?do=D&id=31020592

ရေးသားသူ....... နိုင်းနိုင်းစနေ at 9:31:00 AM

ပန်းသီးထဲက ကြယ်တစ်ပွင့်

တစ်နေ့မှာ သူငယ်တန်းတက်နေတဲ့ မြေးလေးက ပန်းသီးတစ်လုံးကိုင်ပြီး အဘိုးဆီပြေးလာတယ်။

“ဘိုးဘိုး.. ဘိုးဘိုး...”

“ ဘာလဲ မြေးလေး”

“ပန်းသီးထဲမှာ ကြယ်တစ်ပွင့်ရှိတယ်”

“ဘယ်လိုလုပ်ပြီး ပန်းသီးထဲမှာ ကြယ်ရှိမလဲ ငါ့မြေးရဲ့”

“တကယ်ပါ ဘိုးဘိုး... ပန်းသီးထဲမှာ တကယ့်ကြယ်တစ်ပွင့်ရှိတယ်”

“ဒါဆို ဘိုးဘိုးကို ပြစမ်း”

အခိုင်အမာနဲ့ ယုံယုံကြည်ကြည် ပြောနေတဲ့ ကလေးငယ်ရဲ့ စူးစမ်းချင်စိတ်ကို အဘိုးအို စိတ်ဝင်စားသွားမိတယ်။

“သားကို ဓားပေးပါ ဘိုးဘိုး”

ကလေးငယ်မှာ ဓားယူပြီး ပန်းသီးကို အလယ်ကနေ ကန့်လန့်ခွဲဖို့ ပြင်လိုက်တယ်။ ဒါကို အဘိုးက မြင်တော့

“မြေးလေး ဒီလို မခွဲရဘူး။ အညှာကနေ ဒီလို ခွဲချရတယ်” လို့ ပြောလိုက်တယ်။

အခု ဒီစာဖတ်နေတဲ့ လူတွေကော ပန်းသီးကို ဘယ်လိုခွဲကြပါသလဲ? (ဒီအတိုင်း ကိုက်စားတယ်လို့ ဘုကန့်လန့် မဖြေနဲ့ပေါ့နော်) အဘိုးအိုလိုပဲ ပန်းသီးကို အတည့်ထောင်ပြီး ထက်ဝက် ခြမ်းလိုက်တတ်ကြတယ် မဟုတ်လား? တကယ်လည်း ၉၉% လောက်က အဘိုးအိုလိုပဲ ပန်းသီးကို ခွဲကြမယ်ထင်ပါတယ်။ ဒါဟာ အကျင့်တစ်ခု၊ လုပ်ရိုးလုပ်စဉ်တစ်ခု ဖြစ်ကောင်းဖြစ်နေလိမ့်မယ်။ ဒီလိုအတည့်ထောင်ပြီး ထက်ခြမ်းခြမ်းတာကလည်း ပန်းသီးခွဲနည်းရဲ့ “တစ်ခုတည်းသောနည်း” ဖြစ်ချင်ဖြစ်နေလိမ့်မယ်။ ဒါကြောင့် ကန့်လန့်ဖြတ်ပြီး ထက်ဝက်ခြမ်းတဲ့ ကလေးရဲ့ အပြုအမှုကိုမြင်တော့ ဒီလိုခွဲနည်းက မှားနေတယ်ထင်ပြီး ကလေးကို ဟန့်တားဖို့ ကြိုးစားခဲ့တယ်။ အဘိုးအိုက ကျွန်မတို့အတွက် ကြည့်မှန်တစ်ချပ် ဖြစ်ခဲ့ပြီလား?

“ဘိုးဘိုး.. သားက ဒီလို ခွဲချင်တာ”

အဘိုးအိုရဲ့ အဟန့်အတားကို မြေးလေးက ဆိုးဆိုးနွဲ့နွဲ့ ဆန့်ကျင်လိုက်တယ်။

“ကောင်းပြီ.. ကောင်းပြီ... လက်ကိုလည်း သတိထားအုန်းနော်”



ကလေးငယ်က ပန်းသီးကို ကန့်လန့်ဖြတ် ထက်ဝက်ခွဲချလိုက်တယ်။ ထက်ခြမ်းကွဲသွားတဲ့ ပန်းသီးထဲက ပန်းသီးစေ့တွေဟာ ကြယ်ပုံသဏ္ဍာန် ဖြစ်နေတာကို တွေ့လိုက်ရတယ်။ ဒီအသက်အရွယ်အထိ ပန်းသီးစားလာခဲ့တဲ့ အဘိုးက ပန်းသီးထဲမှာ တကယ်ပဲ လှပတဲ့ ကြယ်တစ်ပွင့်ရှိကြောင်းကို အခုမှ သိလိုက်ရတယ်။

ပန်းသီးထဲက ကြယ်တစ်ပွင့်ကို မြင်တွေ့ခဲ့ဖူးပါသလား?

တစ်သတ်မှတ်တည်း မဟုတ်ဘဲ ဘက်ပေါင်းစုံကနေ ဘဝကို ခံစားတတ်ဖို့၊ အလှည့်အပြောင်းတစ်ခုနဲ့ ကိုယ့်နေ့ရက်ကို ပျော်ရွှင်တဲ့ အရောင်လေးတွေ ခြယ်တတ်ဖို့ ဒီစာက ကျွန်မတို့ကို ပြောသွားခဲ့ပါတယ်။

နိုင်းနိုင်းစနေ

အပြုံးဆိုတာ ချစ်စရာကောင်းတဲ့ ကူးစက်ရောဂါတစ်မျိုး

တက္ကသိုလ်တစ်ခုမှာ ရုက္ခဗေဒ ဘာသာသင်တဲ့ ဆရာတစ်ဦးရှိတယ်။ အဲဒီဆရာသင်တဲ့ ဘာသာရပ်က စိတ်ဝင်စားဖို့ မကောင်းပေမယ့် သူ့အတန်းချိန်ဆိုရင် ကျောင်းသားတွေ အမြဲ ပြည့်နေတတ်တဲ့အပြင် အတန်းပြင် ဝရန်တာအထိ လာနားထောင်တဲ့ ကျောင်းသားတွေ ရှိခဲ့တယ်။ သူဟာလုပ်သက်ရင့် ဆရာတစ်ဦး မဟုတ်သလို အသိပညာတွေ ပေါကြွယ်ဝနေသူလည်း မဟုတ်ပါဘူး။ အကြောင်းက သူရဲ့အရွှင်းအဖောက် ဟာသဥာဏ်ကြောင့် ဖြစ်တယ်။


တစ်ခါက ဆရာဟာ ကျောင်းသားတွေနဲ့အတူ မြင့်မားတဲ့ တောတောင်တွေအထိ လက်တွေ့ဆင်းခဲ့ကြတယ်။ လမ်းမှာတွေ့တဲ့ အမျိုးအမည်မသိ အပင်တွေကို ကျောင်းသားတွေက မေးတိုင်း ဆရာကဖြေနိုင်ခဲ့တယ်။ ဒါကို ကျောင်းသားတစ်ယောက်က အားကျပြီး....

“ဆရာ... ဆရာက အသိဥာဏ် ကြွယ်ဝလွန်းတယ်။ အပင်တိုင်းရဲ့ အမျိုးအစားကို ဆရာသိနေတယ်နော်” လို့ ဆိုတော့ ဆရာက နောက်လှည့်ပြီး ကျောင်းသားအားလုံးကို မျက်စပစ် ပြလိုက်တယ်။ ပြီးတော့ “ ဆရာ ဘာဖြစ်လို့ ကျောင်းသားအားလုံးရဲ့ ရှေ့မှာဦးဆောင်ပြီး သွားနေလဲ သိလား? ရှေ့ကနေသွားပြီး မသိတဲ့အပင်ရှိရင် ဆရာက အရင်နင်းချေပစ်လိုက်တယ်။ သိတဲ့အပင်တွေလောက်ပဲ ချန်ထားလို့ အခုလို သိနေတာပေါ့” လို့ ပြန်ဖြေလိုက်တယ်။

ဆရာ့စကားကို ကြားတော့ ကျောင်းသားအားလုံး တစ်ဝါးဝါးနဲ့ ပွဲကျကုန်ကြတယ်။ စာသင်ခန်းထဲမှာတောင် မဟုတ်ပါဘူး.. လေ့လာရေး ခရီးတစ်ခုမှာတောင် အပျော်နဲ့ ပြည့်ဝတဲ့ ခရီးတစ်ခုအဖြင့် ဆရာက စွမ်းဆောင်နိုင်ခဲ့တယ်။ ဒါဟာလည်း ဆရာကို ကျောင်းသားတွေ နှစ်သက်စေတဲ့ အကြောင်းရင်းပဲဖြစ်တယ်။

ပြုံးဖို့ရာ ငွေကြေးကုန်ကျစရာ မလိုဘူး။ ဒါပေမယ့် အကျိုးအမြတ်တွေ အများကြီးရစေတယ်။



အမေရိကန် ထိပ်သီးစီးပွားရေး ပညာရှင်တစ်ဦးဖြစ်တဲ့ Gandalf က ဒီလိုဆိုပါတယ်။ “ရောင်းဝယ်မှုဆိုတာ ၂%က ကုန်ပစ္စည်း အသိရှိရမယ်။ ၉၈%က လူ့သဘာဝကို နားလည်ရမယ်”

အမေရိကန် (EQ) စာအုပ်ရေးသားတဲ့ စာရေးဆရာ Daniel Goleman က “အောင်မြင်မှုမှာ ၈ဝ%က EQဖြစ်ပြီး ၂ဝ% က IQ ဖြစ်တယ်” လို့ ဆိုပါတယ်။ ဒါကြောင့် လူ့သဘာဝကို နားလည်ခြင်း၊ အပြောအဆို လိမ္မာယဉ်ကျေးခြင်း၊ ဟာသဥာဏ်ရွှင်ခြင်းတွေက အောင်မြင်မှုရဲ့ သော့ချက်ဖြစ်တယ်လို့ ဆိုပါတယ်။ တစ်ချို့လူတွေကို လူတွေက သဘောကျနှစ်ခြိုက်ပြီး တစ်ချို့ကို ဘာကြောင့် မုန်းတီးရွံ့ရှာကြသလဲ? အဖြေက “သူတို့ကိုယ်သူတို့ မမြှင့်တင်တတ်လို့ပါပဲ”

ဂျပန်က စကားပြောအနုပညာရှင် တစ်ဦးဖြစ်တဲ့ Mr. Fukuda Jian က “ အပြုံးက အပြုံးကို သယ်ဆောင်လာနိုင်တယ်” လို့ ဆိုပါတယ်။ ကိုယ်က လူတွေကို အပြုံးနဲ့ ကြိုဆိုလက်ခံတဲ့အခါ လူတွေကလည်း ကိုယ့်ကိုအပြုံးနဲ့ ပြန်လည် ကြိုဆိုလက်ခံတာကို ဆိုလိုခြင်းဖြစ်တယ်။

“အပြုံးဆိုတာ ချစ်စရာကောင်းတဲ့ ကူးစက်ရောဂါတစ်မျိုး” ဖြစ်တယ်။ ကူးစက်ခံရတဲ့ လူတိုင်းကို ပျော်ရွှင်စေတယ်။ နေသာထိုင်သာရှိစေတယ်။ Mr. Fukuda Jian က ဆက်ပြီး “အပြုံးနဲ့ ကြိုဆိုတာဟာ လူလူချင်း ဆက်ဆံရာမှာ အဆင်ပြေချောမွေ့စေတဲ့ ဆေးစွမ်းတစ်လက်ဖြစ်တယ်” လို့ ဆိုပါတယ်။ ဒါကြောင့် အပြုံးအမြဲဆောင်ထားပြီး လူတွေနဲ့ ပျော်ပျော် ဆက်ဆံတာဟာ တစ်ခြားလူတွေအတွက် သာမက ကိုယ့်အတွက်လည်း ကောင်းကျိုးများစွာ ရရှိနိုင်ပါတယ်။ အပြုံးဆိုတဲ့ ကူးစက်ရောဂါမျိုး ကူးစက်တာကို ကျွန်မတို့ ဘာကြောင့် လက်မခံနိုင်ရမလဲ?

နိုင်းနိုင်းစနေ

http://share.youthwant.com.tw/sh.php?do=D&id=31020672
http://share.youthwant.com.tw/sh.php?do=D&id=31020671
ဒီက ဖတ်မိတဲ့ စာတွေကို နားလည်သလို ဆီလျှော်အောင် ဘာသာပြန်ထားတာပါ။

ရေးသားသူ....... နိုင်းနိုင်းစနေ at 1:24:00 AM
<ပြန်ခေါက်ထားခဲ့နော်>

မောင်ချစ်ငယ်- ခွဲစိတ်ကုသမှု

Maung Chit Nge is an 8 years old boy who has 3rd degree burn on his body and needed graft surgery on his body.

The cause is not related to Nargis but he showed up to the monastery where a local volunteer doctor from Yangon was treating patients in the villages for Nargis's victims. . He received his burn because of the fire at his house about 7 months ago.

While he was sleeping inside the masquiste net, he little brother was looking for the mom with the candle and got the mosquito net on fire. When the volunteer doctor saw the condition of burn, he treated Maung Chit Nge and took a picture of him. After the trip, the doctor consulted with A shin Pandita and brought Maung Chit Nga to Yangon to treat his burn with a burn specialist.

A friend introduces me to Ashin Padita and told me about the Maung Chit Nge's story. When I met him, I wanted to help him. Since I am not in the medical field, the only way I can help is by paying for the medical expenses.

Now, he has completed the first surgery and still wearing cast and bandages. He seems to be doing better because he is active and playing. He will need physical therapy because he hasn't moved his arm for a long time.

The status of his medical condition is reported to me by my friend Daw Nwe Nwe by email. Also, the volunteer doctor and his plastic surgeon have been closely monitor and taking care that he will be able to recover sooner than expected.

After 3 weeks stays at the hospital for the recovering, he will go back to Bogalay city near his village. After 3 months, he and his father will come back to Yangon for another surgery. The expenses were calculated and given to local people to monitor the activities and to take care of Maung Chit Nge and his father who are staying in Yangon. you can see all photos by http://wisepandita.multiply.com/photos/album/7/
Post by Mr.Tony(USA)

ဝါဆိုလပြည့် ဓမ္မစကြာ အခါတော်နေ့ မှတ်တမ်းများ

၂၀၀၆ ခုနှစ် မှာဖြစ်တယ်။ ရွှေပေါက်ကံ မြို့သစ် မော်ကျွန်း ဘုန်းတော်ကြီးသင် ပညာရေးကျောင်းမှာ လေ့လာဆည်းပူးနေကြတဲ့ ကလေးများဖြစ်တယ်။ အကြောင်းစုံ ထပ်ဖေါ်ပြပေးပါ့မယ်။
ဝါဆိုလပြည့်နေ့အကြောင်း အကျဉ်းချုပ်-MSMA ကျောင်းသားတစ်ပါးက ဖေါ်ပြသည်။
၁၇. ၀၇. ၂၀၀၈ နေ့သည် ၀ါဆိုလပြည့်နေ့ဖြစ်ပါသည်။
ဝါဆိုလပြည့်နေသည် ဗုဒ္ဓဘာသာနွယ်ဝင် မြန်မာလူမျိုးတို့အတွက် နေ့ထူးနေ့မြတ် တစ်နေ့ဖြစ်သည်။
ဘုရားအလောင်းတော်မြတ် သန္ဓေယူသောနေ့၊ ဘုရားအလောင်းတော် တောထွက်တော်မူသည့်နေ့၊
ဓမ္မစကြာတရားဦး ဟောကြားတော်မူသည့်နေ့တို့မှာဝါဆိုလပြည့်နေ့ ဖြစ်နေသောကြောင့်ပင်ဖြစ်သည်။
ထိုကြောင့် ရှေးမြန်မာကြီးတို့က သန္ဓေ တောထွက် ဓမ္မစက် ဟောမြွတ်ခါကို လ၀ါဆို။ ဟူ၍မှတ်တမ်းတင်ခဲ့ကြခြင်းဖြစ်ပါသည်။
ဝါဆိုလပြည့်နေ့သည် နေ့ထူးနေ့မြတ်ဖြစ်သဖြင့် ဗုဒ္ဓဘာသာနွယ်ဝင်မြန်မာလူမျိုးတို့မှာ ဥပုသ်သီလဆောက်တည်ခြင်း၊ ဘုရားကျောင်းကန်များသို့သွားရောက်၍ အလှုအတန်း ပြုလုပ်ခြင်း၊ ၀ါဆိုသင်္ကန်း ၀ါဆိုပန်းကပ်လှူ
ပူဇော်ခြင်း စသောကုသိုလ်ကောင်းမူများကိုပြုလုပ်လေ့ရှိကြပါသည်။မြတ် စွာဘုရားရှင်၏ ဖြစ်တော်စဉ်များနှင့် ဆက်စပ် မူရှိသည့်ဝါဆိုလပြည့်နေ့တွင် မြန်မာပြည်သူ ပြည်သားများ အားလုံး ရောက်ရာအရပ် ကနေ အကုသိုလ်အမူများကို ရှောင်ရှားနိုင်ကြပြီး။ ကုသိုလ်ကောင်းမူများကို တိုးပွားအောင်အားထုတ်နိုင်ကြပါစေ၊ စိတ်ကောင်းမွေးနိုင်ကြပြီး အမျိုး ဘာသာ သာသနာတော်အကျိုးကိုဆထက်ထမ်းပိုး ရွက်ဆောင်နိုင်ကြပါစေဟု ဆုတောင်းမေတ္တာ ပို့သအပ်ပါသည်။
ထို့ကြောင့် ဗုဒ္ဓဘာသာဝင်အပေါင်းတို့သည် ၀ါဆိုလပြည့်နေ့၌ သီလဆောက်တည်ခြင်း ဒါနပြုလုပ်ခြင်း တရားဘာဝနာပွားများအားထုတ်၍ ကုသိုလ်ယူခြင်း စသောကောင်းမူများကိုပြုလုပ်ကြရန် ပန်ကြားအပ်ပါသည်။

လယ်တီဆရာတော်ကြီး ရေးစပ်တော်မူခဲ့သော ကဗျာစုများ…..

သန္ဓေယူသောနေ့
သုံးလူရှင်ပင်၊ ကျွန်ထိပ်တင်၊ သောင်းခွင်းစကြာဝဠာ၊ နတ်ဗြဟ္မာတို့၊ ညီညာရုံးစု၊
တောင်းပန်မူကြောင့်၊ ရတုနဂို၊ ရွန်းရွန်းစိုသည့်၊ ၀ါဆိုလပြည့်၊ ကြွက်မင်းနေ၀ယ်၊
ချမ်းမြေ့ ကြည်ဖြူ၊ သန္ဓေယူသည်၊နတ်လူငြိမ်းဖို့ကိန်းပါကို။
တောထွက်သောနေ့
ဖွားမြင်မြောက်သော်၊ ဆယ့်ခြောက်နှစ်ရွယ်၊ ပျိုနှနယ်၌၊ သုံးသွယ်ရွေ္ဌနန်း၊ သိမ်းမြန်းပြီးလစ်၊
ဆယ့်သုံးနှစ်လျှင်၊ ဘုန်းသစ်လျံလူ၊ စံတော်မူ၍၊ ရွယ်မူနုဖြိုး၊ နှစ်ဆယ့်ကိုးဝယ်၊ လေးမျိုးနိမိတ်၊
နတ်ပြဟိတ်ကြောင့်၊ ရွေ္ဌစိတ်ငြင်ငြို၊ သံဝေပိုက၊ ၀ါဆိုလပြည့်၊ ကျားမင်းနေ့ဝယ်၊ ချမ်းမြေ့ရဂုံ၊
တောရပ်လှုံသည်၊ စုံမြိုင်ပင်ရိပ်ခန်းမှာကို။ ။
ဓမ္မစကြာ တရားဦးဟောသောနေ့
ဘုရားဖြစ်ခါ၊ မိဂဒါသို့၊ စကြာရွေ္ဌဖွား၊ ဖြန့်ချီသွား၍၊ ငါးပါးဝဂ္ဂွီ၊ စုံအညီနှင့်၊ မဟီတစ်သောင်း၊
တိုက်အပေါင်းမှ၊ ခညောင်းကပ်လာ၊ နတ်ဗြဟ္မာအား၊ ၀ါဆိုလပြည့်၊ စနေနေ့ဝယ်၊ ကြွေ့ကြွေ့လျှံတက်၊
ဓမ္မစက်ကို၊ မိန့်မြွတ်ထွေပြား၊ ဟောဖော်ကြားသည်၊ တရားနတ်စည်ရွမ်းတယ်ကို။
ဓာတ်ပုံများကို http://wisepandita.multiply.com/photos/album/8/8 ဒီမှာ ကြည့်လို့ရနိုင်ပါသည်။

မျိုးချစ်မြန်မာ (စင်္ကာပူ)၏ လေဘေးအလှူ

ဓာတ်ပုံတွေကို www.wisepandita.multiply.com မှာကြည့်နိုင်သည်။
မျိုးချစ်မြန်မာရဲ့ ကျေးဇူးကြောင့် မြန်မာပြည်ကို ပြန်ခွင့်ရခဲ့တယ်၊ ဓာတ်တော်တိုက်ဆ၇ာတော်ခွင့်ပြုချက်နဲ့ လေဘေးကယ်ဆယ်ရေး ပြုလုပ်ခဲ့တယ်။ ကိုသူရိန် ကိုဇော်မိုး၊ လဲ့လဲ့

(ကိုယ်စားလှယ်များ)နဲ့ ပြည်တွင်းမှ တွေ့ပြီး နယ်ခံ တစ်ယောက်အနေနဲ့  လှူဒါန်းမှုမှာရော သွားလာရေး တည်းခိုရေးကိစ္စတွေပါ အဆင်ပြေအောင် ဆောင်ရွက်ပေးခဲ့တယ်၊ အဲဒီထဲက ကမကလူကျေးရွာ ဒိုင်နယ် စုစုပေါင်း ရွာ ၁၂ရွာအတွက် ဆန်အိပ် ၂၀၀ လှူဒါန်းပေးခဲ့တယ် ၊ မိမိ ဒကာ ဒကာမတွေကလည်း သိန်း ၂၀ကျော် တန်ဘိုးရှိ စားစရာများကို မိန်းမသားတွေ ကိုယ်တိုင် ဖန်တီးကာ ပြုလုပ် သယ်ဆောင် ရေလမ်းခရီး မကြောက် မရွံ့ လိုက်ကာ လှူဒါန်းခဲ့ကြတယ်။ ကျောင်းတွင်းရှိ ဒုက္ခသည် ငါးရာကျော်ကိုလည်း အလှူရှင်တစ်ယော်ရဲ့ ငွေဖြင့် တစ်ဦးလျှင် တစ်ထောင် ပါဝင် လှူဒါန်းခဲ့ပါသေးတယ်။ ထိုအချိန်အထိ အလောင်းတွေ ရှိနေဆဲ၊ မြင်နေရဆဲပါ။ ၁၆-၁၇၊ မေလ ဖြစ်ပါတယ် ၊ ခရီးစဉ် တစ်ညအိပ် ၂ရက်ခရီးပါ။ ခရီးစဉ်က အတော့်ကို စွန့်စားခဲ့ရပါတယ်။ ရေလမ်းခရီး မသွားဘူးကြတဲ့ ကိုယ့်ဒကာမတွေကိုခေါ်သွားရလို့ပါ။ လူ မပင်ပန်းပေမယ့် စိတ်ပင်ပန်းခဲ့ရတယ်။ သူတို့ တွေထဲက တစ်ယောက်ယောက် အန္တရာယ် ဖြစ်သွားခဲ့ရင်ပေါ့။ ခေါ်သွားလို့ ဘာအကြိုး အမြတ်ရလဲဆိုရင် သူတို့ ကိုယ်တိုင်လှူခွင့်ရခဲ့တယ်။ နောက် သူတို့ နဲ့ ပက်သက်တဲ့ သူငယ်ချင်းတွေကို ပြောပြခဲ့ကြတယ်။။ ဒုက္ခသည်တွေ ဘာလိုအပ်သလဲ။ တကယ်လိုအပ်နေသလား မလိုသလားဆိုတာကို သိသွားကြတော့ လှူချင်စိတ်တွေ ပိုကုန်ကြတာပေါ့။ သူတို့ အသိုင်းအ၀ိုင်းကလူတွေက လှူချင်တဲ့သူတွေချည်းပဲလေ။ ဘယ်လို လှူရမလဲဆိုတာ သိသွားကြတာပေါ့။ နောက်ပီး ဘာမှ မစိုးရိမ်ရမှန်း သိသွားကြတော့ ပိုပြီးလှူဖြစ်သွားတယ်လေ။ ကိုယ်တိုင် ဒုက္ခခံစားရမှ သူများတွေ ဘယ်လောက် ဒုက္ခရောက်သလဲဆိုတာ သိသွားကြတယ်။ ကိုယ်ချင်းစာသွားကြတယ်။ ဒါ့ကြောင့်လည်း သူတို့ နိုင်ရာ စည်းရုံးတယ်။ အလှူငွေတွေ မနည်း ရခဲ့တယ်။ စက်ာပူအလှူရှင်ရဲ့ငွေတွေ လှူဒါန်းခွင့်ရခဲ့တာ အဲဒါကြောင့်ပါ။ တကယ် လိုအပ်တဲ့နေရာကို ကိုယ်တိုင် လှူဒါန်းပေးခဲ့ ကြတယ်လေ။ ဦးဇင်းရဲ့ လေဘေးကယ်ဆယ်ရေးဆင်းတဲ့တချိန်လုံး ရန်ကုန်မှာဆိုရင် အလှူငွေရရှိဖို့ အတွက် နေ့ မအား ညမအား organize လုပ်ပေးခဲ့တဲ့ ဒေါ်နွေးနွေးတို့ အားလုံး လိုအပ်တာကို လိုအပ်သလို ဖြည့်ဆည်းပေးခဲ့တဲ့ ဒေါ်ခင်မာဦး၊ ဒေါ်ခင်ခင်ဦးတို့မိသားစု။ ဘိုကလေးမှာဆိုရင်လည်း မိမိနဲ့  ပါလာသမျှ ဧည့်သည်တွေ တည်းခိုဖို့ ရန် အဆင်ပြေအောင် စားရေးသောက်ရေး အဆင်ပြေအောင် ဆောင်ရွက်ပေးခဲ့တဲ့ ဒေါ်ခင်ကြည်(ကောက်ညှင်းဆန်ရောင်းဝယ်ရေး)မိသားစု၊ ဦးတင်မောင်ပြုံးမိသားစု ၀ိုင်းဝန်း ကူညီပေးခဲ့ကြတဲ့ ညီအစ်ကိုများ အထူးသဖြင့် လုပ်ငန်းတစ်ခုနှင့် တစ်ခု စပ်စပ်အောင် လုပ်ကိုင်ခွင့်ပေးခဲ့တဲ့ မျိုးချစ်မြန်မာအဖွဲ့ (စက်ာပူ) ကိုသူရိန်၊ ကိုဇော်မိုး၊ လဲ့လဲ့ တို့ အားလုံးကို အထူးပင် ကျေးဇူးတင်ပါတယ်ဆိုတာ ဒီနေရာကနေ ပြေပါရစေနော်။
edit add photos delete
0 comments slideshow prints & gifts share

လွတ်မြောက်မှုအတွက် ပေးဆပ်သူများ …

30 August 2008

The Irrawaddy
ဖေဖေအိမ်မှာရှိသော ညများတွင် အိမ်ရှေ့တံခါးမကြီးဆီမှ တဒေါက်ဒေါက် တံခါးခေါက်သံ ကြားရသည့်အခါတိုင်း ဖေဖေ့ကို လာခေါ်ပြန်ပြီလားဆိုသည့် စိတ်ဖြင့် ထိတ်ခနဲဖြစ်သွားရသော ပူပင်ကြောင့်ကျမှုမျိုးနှင့် နေထိုင်ခဲ့ရသည်မှာ မမင်းမင်းထက် တို့လို မိသားစုတွေအတွက်ကတော့ ယခုဆိုလျှင် နှစ် ၂၀ ပြည့်ပြီဖြစ်သည်။

သူမတို့မိသားစု၏ ဘ၀ကို စတင်ပြောင်းလဲစေခဲ့သော ၁၉၈၈ ခုနှစ်တုန်းက သူမသည် အသက် ၈ နှစ် အရွယ်မျှသာ ရှိသေး သည်။ သို့ပေမယ့် အဖြစ်အပျက်တချို့ကိုတော့ သူမ ကောင်းကောင်းမှတ်မိနေခဲ့သည်။

ထိုစဉ်က ဖေဖေသည် ညတိုင်းလိုလိုပင် ရေဒီယိုနားထောင်တတ်တာ သူမ မှတ်မိသည်။ ပြီးတော့ တရက်တွင် သူမ၏ ဖေဖေ သည် နဖူးပေါ်တွင် အနီရောင် အစတစကို စီးထားပြီး အိမ်ပြန်လာသောအခါ သူမကို ပွေ့ချီရင်း သူ့လက်မောင်းတွင် စည်းထားသော အနီရောင်အစလေးကို ဖြုတ်ကာ သူမ၏ လက်မောင်းရင်းတွင် စည်းပေးခဲ့တာ အမှတ်ရသည်။

ဖေဖေပေးသော အနီရောင်အစလေးကို သူမလက်မောင်းမှာ အမြဲတမ်းစည်းထားခဲ့ပြီး သူငယ်ချင်းတွေနှင့်အတူ “ဒို့အရေး” လုပ်တမ်းကစားခဲ့ကြတာ အမှတ်ရသည်။

ပြီးတော့ သေနတ်သံတွေကြားသည့်နေ့က ကစားနေသော သူမကို မေမေက အိမ်ထဲဆွဲခေါ်ခဲ့ပြီး ခုတင်အောက်တွင် ၀ပ်ခိုင်း နေခဲ့တာ၊ ခုတင်အောက်မှာ အကြာကြီးနေရသောကြောင့် ညောင်းလာသည့်အတွက် လှဲအိပ်ရာမှ သူမ အိပ်ပျော်သွားခဲ့တာ လည်း မှတ်မိခဲ့သေးသည်။

နောက်တော့ အရေးအခင်းဖြစ်နေစဉ်တွင်းမှာပင် ရက်ကြာလာသည်နှင့်အမျှ သူမတို့အိမ်မှာ စားစရာ ဆန်မရှိ တော့သလို၊ အိမ်နားက အိမ်တွေမှာလည်း စားစရာ ဆန်မရှိတော့သောကြောင့် အဒေါ်ရဲ့ ပဲစက်ထဲက ကုလားပဲ တွေကိုယူပြီး ပြုတ်စား ကြရတာ၊ နောက်တော့ ဖေဖေ့ကို လာခေါ်သွားကြပြီး ရက်တော်တော်ကြာ မတွေ့ရတော့ တာ တွေကို မှတ်မိနေခဲ့သည်။

သူများတွေပြောစကားအရ ဖေဖေက ဒို့အရေးလုပ်သောကြောင့် အဖမ်းခံရသည်ဟု သူမ ကြားလိုက်ရသည့် အတွက် ဖေဖေ့ကို တွေ့ချင်သည့်စိတ်နှင့် ဖေဖေ့လို အဖမ်းခံရအောင် ဒို့အရေးလုပ်မည်ဟု စဉ်းစားကာ သူမသည် ဖေဖေပေးခဲ့သော အနီရောင်အစလေးကို နဖူးပေါ်မှာစည်း၊ အိမ်ရှေ့က လမ်းမပေါ်မှာ ဒို့အရေးအော်တော့ ၄ နှစ် အရွယ် ညီမလေးကလည်း သူလည်း ဖေဖေ့ကို တွေ့ချင်သည့်အတွက် အဖမ်းခံမည်ဟုဆိုကာ သူမနောက် လိုက် ပြီး ဒို့အရေး အော်ခဲ့တာ၊ သူမတို့ ညီအမနှစ်ယောက် ဒို့အရေးအော်နေသည်ကို မြင်တွေ့သွားသော အဒေါ် က မျက်လုံးပြူးမျက်ဆံပြူးဖြင့် ပြေးလာပြီး နှစ်ယောက်စလုံးကို ချိုင်းမှ လက်တဘက်ဆီဆွဲကာ အိမ်ထဲ ဆွဲသွင်း ခဲ့ တာလည်း သူမ မမေ့ခဲ့ပါ။

"အဲဒီတုန်းက အဒေါ်က ကျမတို့ကိုပြောတယ်၊ ဒို့အရေးအော်ရင် သေနတ်နဲ့ပစ်သတ်ခံရလိမ့်မယ်၊ မအော်ရဘူးတဲ့၊ အဲဒီလို ပြောပြီး ဖေဖေပေးခဲ့တဲ့ အစ အနီလေးကို သိမ်းသွားတယ်" ဟု ၁၉၈၈ လူထုဆန္ဒ ပြပွဲတွင် ပါဝင်ခဲ့သော နိုင်ငံရေးသမား တဦး၏ သမီးဖြစ်သူ မမင်းမင်းထက် ကပြောပြခဲ့သည်။

ထိုစဉ်က ဆန္ဒပြကြသော ကျောင်းသားများကို စစ်သားများက ပစ်ခတ်မှုကြောင့် စုစုပေါင်း လူ သုံးထောင် ထက် မနည်း သေဆုံးခဲ့သည်ဟု အဒေါ်ဖြစ်သူ ထံမှ ကြားသိခဲ့ရကြောင်း မမင်းမင်းထက်က ပြောဆိုသည်။

"ဒေါ်လေးပြောစကားအရ ဆိုရင် အင်းလျားကန်ကရေဆိုတာ သွေးရောင်ကို လွှမ်းနေတာပဲ၊ တံတားဖြူနားမှာ ကျောင်းသား တွေကို စစ်သားတွေက သံတုတ်တွေနဲ့ ရိုက်တဲ့ တခွပ်ခွပ်ဆိုတဲ့ အသံတွေကို တံတားဖြူနားက အိမ်တိုင်းလိုလို ကြားရတယ်" ဟု သူမက သူမဒေါ်လေးထံမှ ကြားရသည်ကို ပြန်ပြောပြခဲ့သည်။

ထိုစဉ်က သူမ၏ ဒေါ်လေးမှာ အာစီထဲတွင် ကျောင်းတက်နေခဲ့သူဖြစ်ပြီး စစ်သားများက ကျောင်းသားများကို လိုက်လံ ဖမ်းဆီးသည့်အခါ တံတားဖြူထိပ်မှ အိမ်တအိမ်ထဲသို့ ၀င်ရောက် ပုန်းခိုနေခဲ့ရခြင်းဖြစ်ကြောင်း သိခဲ့ရ သည်။

မမင်းမင်းထက်၏ ဖခင် ဦးရဲထက်သည် ၈ လေးလုံး အရေးတော်ပုံအတွင်း မြို့နယ်တခု၏ သပိတ်ကော်မတီတွင် ပါဝင်ခဲ့ သောကြောင့် စစ်အစိုးရက ၁၉၈၈ခုနှစ် စက်တင်ဘာလကုန်ပိုင်းတွင် ဖမ်းဆီးပြီး ၅၀၅(ခ)ဖြင့် တရားစွဲကာ ပြစ်ဒဏ် ချမှတ် ခံခဲ့ရခြင်းဖြစ်သည်။

၈၈ နောက်ပိုင်း ပြစ်ဒဏ်ချမှတ်ခြင်းခံရသော နိုင်ငံရေးသမားများ၊ ဒေသဆိုင်ရာ မြို့နယ်များအလိုက် ဖြစ်ပေါ်လာသော လူထုခေါင်းဆောင်များသည် နိုင်ငံရေးပါတီများသို့ဝင်ရောက်ခဲ့ကြသည်။ ဦးရဲထက်သည်လည်း အမျိုးသား ဒီမိုကရေစီ အဖွဲ့ချုပ် ပါတီသို့ ၀င်ရောက်ခဲ့ပြီး စည်းရုံးရေးမှူးတယောက်ဖြစ်လာခဲ့သည်။

ထိုအချိန်ကစပြီး စစ်ထောက်လှမ်းရေးများက အင်အားအများဆုံးပါတီတခုဖြစ်လာသော အမျိုးသားဒီမိုကရေစီ အဖွဲ့ချုပ်မှ နိုင်ငံရေးသမားများကို မကြာခဏ ဖမ်းဆီးလိုက်၊ ပြန်လွှတ်ပေးလိုက်၊ ပြန်လွှတ်ပေးပြီး မကြာခင် ပြန် ဖမ်းဆီးလိုက်နှင့် အကြောင်းပြချက်မရှိဘဲ ဖမ်းဆီးချုပ်နှောင်ထားခြင်းတို့ကို ကြိမ်ဖန်များစွာ ပြုလုပ်လာ သည်မှာ ၁၉၈၈ခုနှစ်မှ ယနေ့ထိတိုင် ဖြစ်ကြောင်း သိရှိရသည်။

"ဥပဒေအရ ဆိုရင် လူတယောက်ကို ၂၈ ရက်ထက်ပိုပြီး ဖမ်းဆီးထိန်းသိမ်းထားလို့မရဘူး၊ ဒါပေမယ့် အာဏာရှင် စစ်အစိုးရ ကတော့ ၁၉၈၈ ကနေ ၁၉၉၀ ထိ ၂ နှစ်ကျော်ကြာအောင် ထောင်ချတယ်၊ နောက် ၁၉၉၂ မှာ လပိုင်း လောက်အချုပ်ခံရတာ ၊ ၁၉၉၅ မှာလည်း ၃ လလောက် အဖမ်းခံထားရတယ်၊ နောက် ၁၉၉၈ ကနေ ၂၀၀၆ ထိ ၂နှစ်နဲ့ ၈ လ ကြာအောင် အဖမ်းခံခဲ့ ရတယ်၊ ဒါဘာအကြောင်းပြချက်မှ မရှိဘဲနဲ့ ဖမ်းထားတာ" ဟု ဦးရဲထက်က ပြောဆိုသည်။

ဦးရဲထက် အပါအ၀င် အမျိုးသားဒီမိုကရေစီအဖွဲ့ချုပ်မှ ၁၉၉၀ ခုနှစ် ရွေးကောက်ပွဲတွင် အနိုင်ရခဲ့သော ကိုယ်စား လှယ်များ နှင့် ပါတီစည်းရုံးရေးမှုးများကို စစ်ထောက်လှမ်းရေးများက မည်သို့သော အကြောင်းပြချက်မှ မပေးဘဲ ၄င်းတို့ နေအိမ်မှ မကြာခဏဆိုသလိုပင် ဖမ်းဆီးသွားလေ့ရှိပြီး ရဲမွန်တပ်နယ်တွင် လည်းကောင်း၊ သံလျင်ခြေမြန် တပ်ရင်းတွင် လည်းကောင်း ချုပ်နှောင်ထားခဲ့ကြောင်း သိရှိရသည်။

မမင်းမင်းထက်တို့လို မိသားစုဝင်များအနေနှင့် ဖခင်အိမ်ပြန်ရောက်လာပြီဆိုသော်လည်း ဘယ်နေ့ပြန်လာခေါ်ဦးမလဲ ဆိုတာ ကိုပင် အမြဲပူပန်နေရကာ စစ်ထောက်လှမ်းရေးများ လာခေါ်ပါက အဆင်သင့်ထည့်ပေးလိုက်နိုင်ရန် အတွက် ကော်ဖီမစ် ထုတ်များ၊ သောက်နေကြဆေးများ၊ ခေါက်ဆွဲခြောက်ထုတ်များစသည်တို့နှင့် အသုံးအဆောင် ပစ္စည်းတချို့ကို အိတ်တလုံး ထဲတွင် စုထည့်ပြီး အမြဲအဆင်သင့်ဆောင်ထားခဲ့ရကြောင်း ၄င်းမိသားစုဝင်များ၏ ပြောပြချက်များအရ သိရှိရသည်။
"သူတို့က လူခြေတိတ်တဲ့ ည ၁၁ နာရီ ၁၂ နာရီလောက်ဆိုရင် အိမ်ရှေ့မှာ တံခါးလာခေါက်ပြီ၊ သူတို့ တံခါး ခေါက်သံက သူများတွေရဲ့ တံခါးခေါက်သံနဲ့ မတူတော့ ကြားရင် သူတို့ပဲ ဆိုတာ သိတယ်၊ ဒါဆို အမေက ဖေဖေ့ အတွက် ပြင်ဆင်ထား တဲ့ အိတ်ကလေးကို ဆွဲထုတ်လာတော့တာပဲ" ဟု မမင်းမင်းထက်က ဆိုသည်။

ထို့ပြင် စစ်အစိုးရသည် နိုင်ငံရေးလှုပ်ရှားသူများအား ရှေ့နေဆိုလျှင် ရှေ့နေလိုင်စင်သိမ်းခြင်း၊ ဆရာဝန်ဆိုလျှင်လည်း ဆေးကုသခွင့်ရုတ်သိမ်းခြင်းတို့ ပြုလုပ်ခဲ့ကြသလို၊ ကိုယ်ပိုင်စီးပွားရေးလုပ်ကိုင်နေသူများကိုလည်း အဆိုပါ စီးပွားရေး လုပ်ငန်းများ လုပ်ကိုင်နိုင်ခြင်းမရှိစေရန်အတွက် အကိုင်းချိုင်ခြင်း မူဝါဒကို သုံးခဲ့ခြင်းဖြစ်ကြောင်း သိရှိရသည်။

အကိုင်ချိုင်ခြင်းမူဝါဒ ဟူသည်မှာ အပင်တပင်လုံး၏ အကိုင်းအခက်များကို ဖြတ်တောက်ပစ်ပြီးနောက်ဆုံး အပင် ကိုယ်ထည် ချည်းပဲ ထားခဲ့သော မူဝါဒ ဖြစ်ကြောင်း သိရသည်။

၈၈ မတိုင်မီ ပုံနှိပ်တိုက်လုပ်ငန်း ဆောင်ရွက်ခဲ့သူ နိုင်ငံရေးသမားတဦးအား ၁၉၉၀ ခုနှစ်တွင် အဆိုပါ လုပ်ငန်း လိုင်စင် သက်တမ်းတိုးသည်ကို သက်တမ်းတိုးခွင့်မပြုတော့သောကြောင့် အဆိုပါ ပုံနှိပ်တိုက်ပိတ်ပစ်ရခြင်း၊ စားသောက်ဆိုင် ဖွင့်ထားသော နိုင်ငံရေးသမားတဦး၏ ဆိုင်ကိုလည်း ဆိုင်မှာ ကျန်းမာရေးနှင့်မညီညွှတ်ဟု ဆိုကာ ဆိုင်ပိတ်ပစ်ခြင်း တို့ကို ပြုလုပ်ခဲ့ပြီး နိုင်ငံရေးသမားများ ရပ်တည်ရေးခက်ခဲစေရန် နည်းလမ်းမျိုးစုံနှင့် ပြုလုပ်ခဲ့ကြကြောင်း အဆိုပါ နိုင်ငံရေး သမားများက ပြောဆိုကြသည်။

"ကျနော် အဖမ်းခံရပြီးကတည်းက မိန်းမက မိသားစု စားဝတ်နေရေးအတွက် ရှိတာလေးတွေ ထုခွဲပြီး ကွန်ပျူတာလေး ၁ လုံး ၀ယ်ပြီးစာစီစာရိုက်လုပ်ငန်းလေး လုပ်ဖို့ ကြိုးစားတယ်၊ စည်ပင်သာယာဥပဒေအတိုင်း လိုအပ်တာတွေ အကုန်လုပ် တယ်။ ဒါပေမယ့် စာပေစိစစ်ရေးနဲ့ ပုံနှိပ်ဥပဒေအရ ကွန်ပျူတာကို လိုင်စင်လုပ်ရမယ်ဆိုလို့ လိုင်စင် သွားလုပ်တော့ နေ့ရွှေ့ ညရွှေ့နဲ့ လိုင်စင် ထုတ်မပေးဘူးနောက်တော့ ကွန်ပျူတာကို ပြန်ရောင်းလိုက်ရ တော့တာပဲ"ဟု ရန်ကုန်တိုင်း ပြည်သူ့ လွှတ်တော် ကိုယ်စားလှယ်တဦးက ၄င်း၏ အဖြစ်အပျက်ကို ပြောပြသည်။

ထိုနည်းအတိုင်းပင် မိသားစု စားဝတ်နေရေးအတွက် လက်ဖက်ရည်ဆိုင်လေးတဆိုင်ဖွင့်ပြီး စီးပွားရှာနေသော မမင်းမင်း ထက်တို့၏ မိခင်ကိုလည်း လက်ဖက်ရည်ဆိုင်အတွင်း နှစ်လုံးထီ ရောင်းချသူများကို ရောင်းချခွင့်ပြု သည်ဟုဆိုကာ ဆိုင်ပိတ် ပစ်လိုက်ကြောင်း မမင်းမင်းထက်၏ ပြောပြချက်အရ သိရသည်။

ထို့အတူပင် နိုင်ငံရေးမိသားစုတစုက မိသားစုစီးပွားရေးလုပ်ငန်းတခုအနေနှင့် ဗီဒီယိုအခွေငှားဆိုင် ဖွင့်ခဲ့ရာ၊ နိုင်ငံခြားဇာတ် ကားများ ဆိုင်တွင် ထားရှိသည်ဟူသော ပြစ်မှုနှင့် ဆိုင်ကို ပိတ်ပြီး၊ ပြစ်ဒဏ်ချခဲ့ကြောင်း၊ မြန်မာ နိုင်ငံတ၀န်းရှိ ဗီဒီယို အခွေငှားဆိုင်များသည် နိုင်ငံခြားဇာတ်ကားပါ ဗီဒီယိုခွေများ၊ ဗီစီဒီများ၊ ဒီဗီဒီများကို နားလည် မှုဖြင့် ငှားရမ်းနေကြသော် လည်း နိုင်ငံရေးနှင့်ပတ်သက်သော မိသားစုဝင်များကတော့ အများသူငါ တွေလို စီးပွား ရေး ကို လုပ်ပိုင်ခွင့်မရခဲ့ကြောင်း သိရှိရသည်။

"၈၈ နောက်ပိုင်းကတည်းက သူတို့က ခဏခဏလာဖမ်းတော့ စီးပွားရေးလည်းမလုပ်နိုင်တော့ဘူး၊ အိမ်ကို ပိုက်ဆံမပေးနိုင် တော့ဘူး၊ မိသားစု စားဝတ်နေရေးအတွက် ဘာမှကို လုပ်မပေးနိုင်တော့ဘူး၊ ပြီးတော့ သားတွေ သမီးတွေကိုလည်း မစောင့် ရှောက်မသွန်သင်နိုင်တော့ဘူး၊ အဲဒီအတွက် မိသားစုထဲမှာ ထိခိုက်နစ်နာမှုတွေ ရှိခဲ့ တယ်၊ ဥပမာ တခုပြောရမယ်ဆိုရင် သမီးကြီး အိမ်ထောင်ကျသင့်တဲ့ အချိန်ထက် စောပြီးအိမ်ထောင်ကျသွား တယ်၊ သားတွေ ဆယ်တန်းမအောင်ဘူး၊ အဲဒီလို မိသားစု ဘ၀ ကိုပေးခဲ့ရတယ်" ဟု စစ်ကိုင်းတိုင်းမှ ကိုယ်စား လှယ်အဖြစ် ရွေးချယ်ခံခဲ့ရသော အမျိုးသားဒီမိုကရေစီ အဖွဲ့ချုပ် အဖွဲ့ဝင်တဦးက ပြောပြခဲ့သည်။

စစ်အစိုးရသည် နိုင်ငံရေးသမားမိသားစုဝင်များ၏ စားဝတ်နေရေးအခက်အခဲရှိစေရန် ၄င်းတို့၏စီးပွားရေး လုပ်ငန်း များကို အကြောင်းအမျိုးမျိုးနှင့် နှောင့်ယှက်ဖျက်ဆီးခြင်း၊ မိသားစုဝင်များကို ဖိနှိပ်ခြင်းများ ပြုလုပ် လျက်ရှိသော ကြောင့် တချို့ နိုင်ငံရေးသမားများမှာ အခြေအနေအရ နိုင်ငံရေးလောကကို ကျောခိုင်းသွားရခြင်း များရှိလာသည် ကို တွေ့မြင်ရသည်။

"၁၉၉၈ ခုနှစ်မှာ ပြန်လွတ်လာတော့ အိမ်ရဲ့ စီးပွားရေးအခြေအနေ တော်တော့ကို ဆိုးနေတာတွေ့ရတယ်၊ အမေ့ အိမ်ကို ပေါင်ထားရတဲ့အပြင် သားကြီးကိုလည်း ကျောင်းဆက်မထားနိုင်လို့ အဝေးသင်ပြောင်းခိုင်းပြီး မိသားစု စား ၀တ်နေရေး အတွက် အလုပ်ဝင်ခိုင်းထားရတယ်၊ ကျနော် တော်တော်ကိုစိတ်မကောင်းဖြစ်သွားမိတယ်၊ ဒါပေမယ့် မိသားစုက ကျနော့်ကို ပါတီထဲကနေ ထွက်ပေးပါလို့ မတောင်းဆိုပါဘူး" ဟု မန္တလေးတိုင်းမှ နိုင်ငံရေးသမားတဦး က ၄င်းတို့မိသားစု အခြေအနေ ကို ပြောပြသည်။

မမင်းမင်းထက်တို့ သည်လည်း ဖခင် ဦးရဲထက် မကြာခဏဖမ်းဆီးခံနေရသောကြောင့် အိမ်၏ စီးပွားရေးကို မိခင် ဖြစ်သူက ခက်ခဲပင်ပန်းစွာ ဦးဆောင်ခဲ့ရပြီး ဆင်းရဲကြပ်တည်းစွာ ကျောင်းတက်ခဲ့ရကြောင်း၊ ကျောင်းတက် စဉ် ကာလများတွင် မမင်းမင်းထက်တို့ညီအစ်မ၂ ယောက်ကို အိမ်မှ ကျောင်းမုန့်ဖိုးမပေးနိုင်ခဲ့သလို တခါတရံ ဘတ်စ် ကားခပင် မရှိသောကြောင့် ကျောင်းပျက်ခဲ့ရသည့်နေ့များရှိခဲ့ကြောင်း၊ မမင်းမင်းထက်မှာ အစ်မကြီးဖြစ်သော ကြောင့် အထက်တန်းအောင်ပြီးကတည်း က အဝေးသင်တက်ကာ ကလေးတွေကို ဂိုက်သဘောမျိုး အိမ်လိုက်ပြီး စာသင်ပေးသည့်အလုပ်ကို လုပ်၍ မိသားစုစားဝတ် နေရေးကို ဖြည့်ဆည်းခဲ့ရကြောင်းပြောပြသည်။

နိုင်ငံရေးသမားမိသားစုဝင်များအနေနှင့် ယနေ့ထိအောင်ပင် ဖိနှိပ်ခံနေရဆဲဖြစ်ကြောင်း နိုင်ငံရေးသမားတဦး၏ သားဖြစ်သူ ကိုအောင်နိုင်ကလည်း ပြောဆိုသည်။

"ကျနော်တို့တွေကို စစ်အစိုးရက သူများတွေနဲ့ တန်းတူအခွင့်အရေးဘယ်တော့မှ မပေးခဲ့ဘူး၊ သူများတွေ လုပ်လို့ ရတဲ့ အလုပ်တွေကို ကျနော်တို့လုပ်လို့မရဘူး၊ ပတ်ဝန်းကျင်မှာလည်း သူ့အဖေဟာ နိုင်ငံရေးသမားတယောက် ဆိုတဲ့ အမြင်ကို အတိုင်းအတာတခုထိ လွှမ်းမိုးအောင် လုပ်ထားတယ်" ဟု သူက ဆိုသည်။

သူသည် ၂၀၀၃ ခုနှစ်တွင် ရန်ကုန်တက္ကသိုလ်မှ သိပံ္ပဘွဲ့ကို ရရှိခဲ့ပြီး မဟာသိပ္ပံဘွဲ့ကို ဆက်တက်ခဲ့သော်လည်း သူဖြစ်ချင် သော တက္ကသိုလ် ဆရာတယောက်ဖြစ် မလာခဲ့ဟုသိရသည်။

မဟာတန်းတက်နေသူများနှင့် မဟာဘွဲ့ရများ မည်သူမဆို လျှောက်ထားပါက ၉၉ ရာနှုန်း သေချာလေ့ရှိသော တက္ကသိုလ် ဆရာ၊ ဆရာမ အလုပ်မှာ သူကတော့ ရှားရှားပါးပါး ၁ ရာနှုန်းထဲတွင် ပါဝင်ခဲ့သူဖြစ်ကြောင်း ပြောပြ သည်။

၁၉၈၈ ခုနှစ် မတ်လတွင်မွေးဖွားခဲ့သော နိုင်ငံရေးသမားတဦး၏ သမီးမှာ သူမအနေနှင့် ဖခင်ဖြစ်သူနှင့် အတူတူ နေရသည် မှာ ရက် ၃၀ ပင် မပြည့်ခဲ့ကြောင်း ပြောပြသည်။

ဖခင်ဖြစ်သူမှာ ၁၉၈၈ ခုနှစ်မှ ၁၉၉၂ ခုနှစ်ထိ တကြိမ်၊ ၁၉၉၂ ခုနှစ်မှ ပြန်အဖမ်းခံလိုက်ရသည်မှာ ၂၀၀၄ ခုနှစ်တွင် အင်းစိန် ထောင်မှ ပြန်လွတ်လာခဲ့ပြီး အိမ်သို့ ပြန်ရောက်ပြီးမကြာခင်မှာပင် ကွယ်လွန်သွားခဲ့သည်ဟု သိရှိရသည်။

“အဖေက အ်ိမ်မှာထက် ထောင်မှာက များတော့ အဖေ့မျက်နှာကို သေချာတောင် မမှတ်မိဘူး၊ သေသွားတဲ့နေ့မှ အ၀ ကြည့်လိုက်ရတယ်”ဟု သူမက ပြောပြခဲ့သည်။ ။

ကြည်ဝေ